आनंदवन भुवनी
स्वर्गीची लोटली जेथे, रामगंगा महानदी
तीर्थासी तुळणा नाही, आनंदवन भुवनी ॥१॥
त्रैलोक्य चालिल्या फ़ौजा, सौख्यबंध विमोचने
मोहीम मांडिली मोठी, आनंदवन भुवनी ॥२॥
येथुन वाढला धर्म, रमाधर्म समागमे
संतोष मांडला मोठा, आनंदवन भुवनी ॥३॥
भक्तांसी रक्षिले मागे, आताहि रक्षिते पहा
भक्तांसी दिधले सर्वे, आनंदवन भुवनी ॥४॥
येथुन वाचती सर्वे, ते ते सर्वत्र देखती
सामर्थ्य काय बोलावे, आनंदवन भुवनी ॥५॥
उदंड जाहले पाणी, स्नानसंध्या करावया
जपतप अनुष्ठाने, आनंदवन भुवनी ॥६॥
बुडाली सर्व ही पापे, हिंदुस्थान बलावले
अभक्तांचा क्षयो झाला, आनंदवन भुवनी ॥७॥
-समर्थ रामदास
This poem was written by Samarth Ramdas in the praise of Shivaji Maharaj.
No comments:
Post a Comment